குழந்தைகளின் காய்ச்சல் -பொதுவான கட்டுரைகள்

[You must be registered and logged in to see this image.]


நமது உடலின் வெப்பநிலை அதிகரிப்பதுதான் காய்ச்சல் அல்லது ஜுரம். மூளையில் உள்ள சில நரம்புகள்தான், நம் உடலின் வெப்பநிலையை ஒரே சீரான நிலையில் வைத்திருக்கின்றன. ரத்தத்தின் வெப்ப நிலையையும், சுற்றுச்சூழல் வெப்பநிலையையும் பொறுத்து உடல் வெப்ப நிலை மாறும்.காய்ச்சல் ஏற்படக் காரணம்




காய்ச்சல் வருவதற்குப் பல காரணங்கள் உள்ளன.





நுண் கிருமிகள் தாக்குதல் (பாக்டீரியா, வைரஸ், காளான் போன்றவை). புற்றுநோய்க்காகப் பயன்படுத்தும் சில மருந்துகள், தடுப்பூசிகள், தசை மற்றும் மூட்டுப் பாதிப்புகள், நாளமில்லாச் சுரப்பிகளில் ஏற்படும் சில மாற்றங்கள், அழற்சி, சல மரபணுக்கோளாறுகள், உடலில் ஏற்படும் சில ரசாயன மாற்றங்கள் உள்ளிட்ட பல காரணங்களால் காய்ச்சல் வரலாம்.



இந்த இடத்தில் ஒன்றை நீங்கள் நினைவில்கொள்ள வேண்டும். குழந்தைக்குப் பல் முறைப்பதாலோ, எதையாவது பயந்துபோனாலோ ஒரு போதும் காய்ச்சல் வராது. அதனால், காய்ச்சல் என்றால் உடனே டாக்டரிடம் காட்டி சிகிச்சை அளிக்க வேண்டும்.



காய்ச்சலின் நன்மையும், தீமையும் காய்ச்சல், அதாவது உடலின் வெப்பநிலை அதிகரிப்பதால் உடலுக்குள் புகுந்த நுண் கிருமிகள் மேலும் பரவாமலும், அவற்றால் பாதிப்பு ஏற்படாமலும் தடுக்கப்படுகிறது. ஆனால், வலிப்பு நோய் உள்ள குழந்தைகளுக்கும், ஐந்து வயதுக்கு உள்பட்ட குழந்தைகளுக்கும் காய்ச்சல் அதிகமாகும்போது வலிப்பு ஏற்படுவதற்கான வாய்ப்பு அதிகம்.



மேலும், காய்ச்சல் அடிக்கும்போது உடல் திசுகளுக்குத் தேவையான ஆக்ஸிஜன் அளவு அதிகரிக்கும். திசுக்களில் நடைபெறும் ரசாயனச்
செயல்பாடுகளும், இதயத்துடிப்பும் கூட அதிகரிக்கும். இதனால், குழந்தை மிகவும் சோர்ந்துவிடும். நுரையீரலோ, இதயமோ பாதிக்கப்பட்டகுழந்தைகளுக்கு, காய்ச்சலால் அவை மேலும் செயலிழந்துபோகும் அபாயம் ஏற்படலாம்

வெப்பநிலை மாறுபாடுகள் எல்லோருக்கும் ஒரே மாதிரியான உடல் வெப்பம் இருக்கும் என்று சொல்ல முடியாது. நபருக்கு நபர் இதுமாறும். மேலும், ஒருவருக்கேகூட ஒரே மாதிரியான உடல் வெப்பநிலை இருக்காது. அதிகாலையில் மிகக் குறைவாகவும், மாலையில் மிக அதிகமாகவும் இருக்கும். இந்த வேறுபாடு ஒரு டிகிரி செல்சியஸ் அளவுக்கு இருக்கலாம்.

உடற்பயிற்சி செய்த முப்பது நிமிடங்களுக்கும், சாப்பிட்ட ஒரு மணி நேரம் வரைக்கும், சூடான உணவு சாப்பிட்ட பிறகும் உடல் வெப்பம் அதிகமாக இருக்கும்.
உடல் வெப்பத்தை அளவிடும் முறை
பாதரசம் உள்ள வெப்பமானியை ஆசன வாயிலில் வைத்து அளக்கப்படும் உடல் வெப்பநிலைதான் சரியாக இருக்கும். இதுதவிர, வாய், அக்குள், காதுப் படலம் போன்றவற்றிலும் வெப்பத்தை அளவிடலாம்.
குழந்தையின் காதுப் படலத்தின் மூலம் உடல் வெப்பத்தைப் பார்க்கும் முறை எளிதாகவும், குழந்தைக்கு எந்தக் கஷ்டமும் இல்லாததாகவும், சீக்கிரம் முடிந்துவிடுவதாகவும், குழந்தையின் ஒத்துழைப்பு அவ்வளவாகத் தேவைப்படாததாகவும் இருப்பதால், இந்த முறைதான் மிக அதிக அளவில் பின்பற்றபப்படுகிறது.
டிஜிட்டல் வெப்பமானி, லிக்விட் டிஜிட்டல் ஸ்டிரிப் போன்றவற்றின் மூலமும் உடல் வெப்பத்தைக் கணக்கிடலாம்.


பெற்றோர்கள் கவனத்துக்கு…

காய்ச்சல் எவ்வளவு நாள்களாக இருக்கிறது.
ஒரு நாளில் எப்போது காய்ச்சல் மிக அதிகமாக இருக்கிறது.
தொடர்ந்து காய்ச்சல் இருக்கிறதா அல்லது மூன்று, நான்கு நாளுக்கு ஒருமறை விட்டுவிட்டு வருகிறதா
காய்ச்சல் இருக்கும்போது உடல் நடுங்கிறதா
காயச்சல் அதிகரிக்கும்போது வலிப்பு வருகிறதா
குழந்தைக்குத் தொண்டை வலி, காதில் சீழ் வடிதல், வயிறு வீக்கம் அல்லது வலி, மூச்சுவிடுவதில் சிரமம், சிறுநீர் கழிப்பதில் சிரமம், பல் ஈறுகளில் ரத்தக் கசிவு, மலம் கறுப்பாக வெளியேறுதல், கொசுக்கடி போல் உடலில் சிவப்பு நிறப் புள்ளிகள் தோன்றுதல், உடலில் எங்காவது ரத்தம் உறைந்திருக்கிறதா, மூட்டு வீக்கமோ, வலியோ இருக்கிறதா என்பதைப் பெற்றோர்கள் கவனமாகப் பார்க்க வேண்டும்.
குழந்தைக்குக் காய்ச்சல் எவ்வளவு இருக்கிறது பார்க்க வேண்டும். 41 டிகிரிக்கு மேல் இருந்தால், மூளையில் பாதிப்பு ஏற்பட வாய்ப்பு அதிகம்.அதனால், கவனமாக இருக்க வேண்டும்.

அபாய கட்டம்
* இரண்டு மாதக் குழந்தைகள்
* 41 டிகிரிக்கு மேல் காய்ச்சல் இருத்தல்
* ஆசுவாசப்படுத்த முடியாமல் குழந்தைகள் அழுவது
* உடலில் எந்த இடத்தைத் தொட்டாலோ அல்லது தூக்கினாலோ குழந்தை அழுவது
* குழந்தை மிகவும் சோர்வாகவோ, நீண்ட நேரம் தூங்கிக்கெண்டோ இருப்பது, எழுவதற்குச் சிரமப்படுவது
* கழுத்து விறைப்பாக இருத்தல்.
* தோலில் சிவப்பு நிறக் கொப்புளங்கள் உண்டாவது
* மூச்சுவிடுவதற்குக் கஷ்டப்படுவது
* சாப்பிட முடியாமல் மிகவும் சோர்வாக இருப்பது
* காக்காய் வலிப்பு நோயால் (திவீts) பாதிக்கப்பட்ட குழந்தை
* குணமாகாமல் நீண்ட நாள்களாகக் காய்ச்சல் இருப்பது போன்றவை, சாதாரண காய்ச்சலாக இருந்தாலும் மிகவும் ஆபத்தான அறிகுறிகளாகும்.


உடனடி சிகிச்சை அளிக்க வேண்டிய அறிகுறிகள்.

* 3 முதல் 12 மாதம் வரை உள்ள குழந்தைகள்
* 40 டிகிரிக்கு மேல் உள்ள காய்ச்சல்
* சிறுநீர் கழிக்கும்போது எரிச்சல், வலி அல்லது பிறப்புறுப்பில் வீக்கம்
* தொடர் இருமல், சளி, காதுவலி அல்லது சீழ்வடிதல், சிறுநீர் கழிப்பதில் பிரச்னைகள் என எந்தக் காரணமும் இல்லாமல் 24 மணி நேரத்துக்கு
நீடிக்கும் காய்ச்சல்

* 24 மணி நேரத்துக்குள் விட்டுவிட்டு வரும் காய்ச்சல்
* மருந்து கொடுத்தும் குறையாமல் இருக்கும் காய்ச்சல்.
பொதுவான சிகிச்சைகள்
* வெதுவெதுப்பான தண்ணீரில் துணியை நனைத்து உடல் முழுவதையும் மூட வேண்டும்.

* நான்கு அல்லது ஆறு மணி நேரத்துக்கு ஒருமறை, காய்ச்சலைக் குறைக்கும் அசிடமினோபென், பாரசிடமால மருந்துகளைக் கொடுக்க வேண்டும்.
* அவ்வப்போது கொஞ்சம் கொஞ்சமாக நிறைய தண்ணீர் கொடுக்க வேண்டும்.
* எளிதில் ஜீரணமாகக்கூடிய, சத்தான உணவைக் கொஞ்சம் கொஞ்சமாகக் கொடுக்க வேண்டும்.
* தாய்ப்பால் குடிக்கும் குழந்தைக்குக் காய்ச்சல் இருந்தாலும், தாய்ப்பால் தொடர்ந்து கொடுக்கவேண்டும்.
* ஏதாவது பிரச்னை ஏற்பட்டாலோ, குழந்¬ மிகவும் சோர்ந்துபோனாலோ, உடனே டாக்டரிடம் காண்பித்து சிகிச்சை அளிக்க வேண்டும்.