குதி கால் வலிக்கு-ஜட்ஜ் பலராமையா அவர்கள் கேள்வி பதில்

கேள்வி : ஐயா எனக்கு 46 வயது ஆகிறது. ஒரு வருடத்துக்கு முன்பு இட்து குதிகாலில் கீழே காலை ஊன்ற முடியாத அளவுக்கு வலி. டாக்டரிடம் காட்டியதற்க்கு “எக்ஸ்ரே” எடுத்தார்கள். எலும்பு முறிவு பிரிவில் ஒரு ஊசி போட்டு இரண்டு நாள் ஓய்வு எடுக்க சொன்னார்கள்.
இதனால் ஒரு வாரம் வலி நீங்கியது. பிறகு மறுபடியும் வந்துவிட்டது. மறுபடியும் ஊசி போட்டும் டாக்டர் யோசனைப்படி குதிகால் உயர்ந்த செருப்பு, பஞ்சு போன்று மெத்என்று இருக்கும் செருப்பு அணிந்தும் பலன் இல்லை.இதற்கு வைத்தியம் கூறுமாறு வெண்டிக்கொள்கிறேன்.
-திருமதி அங்கயற்கண்ணி. சென்னை.
பதில் : தங்கள் நோய் குதிகால் வாதம். விஷ நீர் குதிகாலில் இறங்கிவிட்டால் அதை வெளியேற்றுவது கடினம். மருந்து 3 மாதங்களாவது சாப்பிட வேண்டும். புலால் கிழங்குகள் சாப்பிடக்கூடாது.
.
அசுவகெந்தி எனும் அமுக்குராங்கிழங்கு நாட்டு மருந்து கடைகளில் கிடைக்கும். அதில் 100 கிராம் வாங்கி ஒன்று இரண்டாக இடித்து ஒரு பானையில் பசும் பால் அரைப்படி விட்டு மேலே புட்டு வைப்பது போல் துணியை பானையின் வாய்க்கு கட்டி மேற்கண்ட அமுக்குராவை வைத்து மேலே ஒரு சட்டியை மூடி எரிக்கவும். பாலின் ஆவியில் அது வெந்த்தும் எடுத்து உலர்த்தவும்
..
பிறகு எடுத்து சூரணம் செய்து சல்லடையில் வடித்து எடுக்கவும். அந்த சூரணத்துக்கு பத்தில் ஒரு பங்கு சுக்கு தூள் சேர்கவும். அதன் மொத்த அளவுக்கு சம அளவு கற்கண்டு தூள் அல்லது சீனி (சற்கரை) சேர்த்து வைத்துக்கொண்டு காலை, மாலை தேக்கரண்டி அளவு தண்ணீரில் சாப்பிடவும்.
.
நொச்சி இலையில் கொஞ்சம் நல் எண்ணெய் கொஞ்சம் விட்டு வதக்கி குதிகாலில் வைத்து ஒவ்வொரு இரவும் சூட்டுடன் கட்டிக்கொள்ளவும். தங்கள் நோய் குணமாகும்.